André Olsen og HB hvør til sítt

HB hevur valt at enda samstarvið við André Olsen. Hesum boðar felagið frá seinnapartin.

- Eftir vánaligu gongdina seinastu tíðina, er avgerð tikin um at enda samstarvið millum HB og André Olsen, skrivar felagið.

- Vit fara nú at hyggja frameftir, og fara innan stutta tíð at seta nýggjan høvuðsvenjara, verður sagt úr HB.

HB hevur 15 stig og liggur á sætta plássi í landskappingini.