Annað

Andy Murray gevst eftir Australian Open

Skotin væntar at kappingin, sum byrjar mánadagin, verður hansara síðsta.

Andy Murray var sera kensluborin á tíðindafundinum (Mynd: EPA)

Andy Murray var sera kensluborin á tíðindafundinum (Mynd: EPA)

2019-01-11 09:10 Author image
Ari av Rana

Fyri einum av heimsins bestu tennisleikarum, Andy Murray, verður Australian Open nokk seinastu ferð hann veðrur at síggja á tennisvøllinum.

Á tíðindafundi í Melbourne áðrenn kappingina sigur 31 ára gamli Andy Murray, at pínan eftir einari skurðviðgerð á mjødnina er so stór, at hann neyvan megnar at halda fram við yrkisleiðini.

Skotin, sum hevur verið nummar eitt í heiminum, sigur, at hann hevði ætla sær at bíta pínuna í seg fram til ársins Wimbledon kapping, men at hann ivast í at hann fer at klára tað.

Andy Murray hevur fimm ferðir verið í Australian Open finaluni, men hevur tapt allar ferðirnar. Fýra av finalunum hava verið móti serbanum Novak Djokovic, meðan tann eina var móti Roger Federer úr Sveis.