Árni og B36 hava longt samstarvið

Tað var helst tað størsta skiftið í føroyskum fótbólti í vetur; Árni Frederiksberg skifti barndómsfelagið NSÍ út við B36.

Árni býr og arbeiðir í høvuðsstaðnum og hann hevur í ár skorað fimm mál í 17 dystum fyri B36 í Betrideildini. Kantleikarain við tí frálíka vinstra beininum hevur eisini spælt í øllum fýra EM-undankappingardystunum í 2019, og hann byrjaði inni ímóti Spania á Tórsvølli.

Nú er greitt, at Árni Frederiksberg verður verandi í B36. 27 ára gamli miðvallarin og B36 gjørdu í gjár ein nýggjan sáttmála, sum bindir partarnar saman fyri kappingarárið 2020.

Heimasíðan hjá B36 skrivar, at Árni er follin væl til í felagnum og partarnar fegnast um, at samstarvið heldur fram.