Fótbóltur

Aston Villa framdi eitt ótrúligt comeback

Sheffield United var á odda 3-0, tá átta minuttir vóru eftir, men so vendi VIlla øllum á høvdið.

Stórur fagnaður eftir at Green tryggjaði VIlla eitt ótrúligt stig

Stórur fagnaður eftir at Green tryggjaði VIlla eitt ótrúligt stig

2019-02-09 15:42 Author image
Agnar Prestá

Ein dystur í næstbestu ensku deildini varð leiktur í gjárkvøldið. Hann var á Villa Park í Birmingham, har eitt av gomlu stórfeløgunum í Onglandi tók ímóti Sheffield United, ið undan dystinum lá á 2. plássi. 

Tað sá gott hjá Sheffield. Í 62. minutti fullførdi toppskjúttin í deildini, Billy Sharp, sítt hattrick, og so var 3-0 og einki bendi á, at Aston Villa fór at fáa nakað burturúr dystinum.

Liðið úr Birmingham hevði harðliga tørv á stigum í stríðnum um playoff-pláss, og tá nýinnkeypti Tyrone Mings skoraði í 82. minutti kom ferð á hjá Villa. Fimm minuttir seinni minkaði Tammy Abraham, ið er leiðagur úr Chelsea, aftur um munin. Fjáltur var komin á Sheffield, og í 94. minuttir javnaði innskifti Andre Green. 20-ára gamli áleyparin fullførdi harvið eina ógvuliga flotta vend av heimaliðnum.