Atkvøðugreiðsla: Ársins mál 2019

Tilsamans 423 mál vórðu skoraði í fremstu deildini hjá monnum í ár, og í fleiri førum var talan um rættuliga góð mál. Og nú er tíðin komin, at Ársins Mál 2019, skorað í Betri Deildini hjá monnum, skal kjósast.

Átta mál eru tilnevnd, og nú er so upp til tey fótbóltsáhugaðu at avgera, hvør gjørdi besta málið.

Atkvøðugreiðslan byrjaði í gjárkvøldið, og klokkan 16 í dag lá málið hjá Jóannes Bjartalíð ímóti ÍF nummar eitt við 44 prosentum av atkvøðunum.

Atkvøðugreiðslan verður skipað soleiðis, at atkvøðurnar á heimasíðuni telja 50 prosent, meðan atkvøðurnar hjá ”Serfrøðingunum”, tað eru umboð fyri fjølmiðlarnar og landsliðsvenjarar, telja hini 50 prosentini.

Atkvøðurnar kunnu avgreiðast her

Vinnarin verður kunngjørdur við ársenda.