B36 hevur megnað tað áður

0-0 á heimavølli og síðani spæla seg víðari við sigri í útidystinum. Hetta er kravið hjá B36 undan seinna dystinum í 1. umfari í Conference League, sum verður í Tallinn í morgin.

Næstan heilt sama støða var í 2. umfari í Europa League í 2018. B36 spældi málleysan javnleik í Gundadali í fyrra dystinum móti OFK Titograd. Hetta var eitt lítið vónbrot - serliga orsakað av útgangsstøðinum og tí B36 sá út til at vera omaná. Tað eydnaðist tó at vinna 2-1 í Montenegro. B36 kom eisini afturum í útidystinum.


Meinhard Egilsson Olsen og liðfelagarnir brendur nakrar stórar møguleikar í fyrra dystinum móti OFK Titograd í Europa League í 2018 (Mynd: Sverri Egholm)

Størsti munurin frá 2018 er, at regulin um útivallarmál er burtur. Harvið er útgangsstøði eitt sindur verri hjá B36 nú, enn tað var fyri fimm árum síðani. Paide Linnameeskond hevði ikki stórvegis tørv at skora í Gundadali, og um so B36 skorar í Tallinn í morgin, so "telur tað ikki eyka".
 
Tó er møguleikin hjá Dan Brimsvík og hansara monnum avgjørt har. Felagið hevur fleiri fyrr víst, at tað ber til: Í fjør vendi man 0-2 til víðari luttøku eftir brotsspark (úti og síðani heima móti Borac Banja Luka), og B36 er tað føroyska felagið, sum er komið oftast víðari í Evropa: Níggju ferðir (í 2005, 2006, tvær ferðir í 2018, tríggjar ferðir í 2020 og tvær mál í 2022)

Paide er ein lítil favorittur á heimavølli, men lagt er upp til spennandi uppgerð í morgin. 

Hósdagin 20. juli - Conference League
16.30: Paide Linnameeskond - B36 (0-0) - Spældur í Tallinn

Sí eisini: - Siggi onga orsøk til at vit ikki kunnu koma víðari