Í gjár vann B36 umráðandi 2-1 sigur á KÍ í gjárkvøldið, og um átta dagar skal liðið spæla finalu um Løgmanssteypið 2. árið á rað.
B36 hevur nú gjørt nýggjan sáttmála við tveir av sínum leikarum. Talan er um vinstrabakkin, Alex Mellemgaard og kantspælaran Benjamin Heinesen. Báðir hava spælt nógv í ár; Alex hevur verið nógv skaðaplágaður seinastu árini, men hevur spælt 24 dystir í ár, meðan Benjamin hevur spælt 28.
Bæði 26-ára gamli Alex Mellemgard og 22-ára gamli Benjamin Heinesen eru argjamenn, og Alex umboðaði AB í nøkur ár í vaksnamannadeildini. Hann kom til B36 í 2014. í vaksnamannafótbólti hevur Benjamin, ið er U21-landsliðsleikari, bert umboðað B36 , og bæði hann og Alex hava verið við til at vunnið tvey FM-heiti við B36 og spælt 110 dystir í Betri-deildini.
Heimasíðan hjá B36 skrivar, at sáttmálin hjá Alex Mellemgaard er galdandi til og við 2020, meðan Benjamin Heinesen hevur longt sáttmálan við einum ári.
Fótbóltur
B36 longt við tveir leikarar
Tveir av føstu monnunum í byrjanaruppstillingini hjá B36 skrivaðu í gjár undir nýggjan sáttmála.
Alex Mellemgaard í 2-1 sigrinum á KÍ í gjár (Mynd: Sverri Egholm)
2018-08-17 06:50
Vinarliga broyt tínar kennifíla - og privatlívsstillingar fyri at síggja hetta innihald