B36 nýggjan áleypara fyri Uros

Danin Rasmus Reihdar Nissen hevur skrivað undir sáttmála við B36. 21 ára gamli Rasmus, sum er vaksin upp í OB, skal styrkja um álopspartin.

Hann hevur seinasta árið verið knýttur at Kolding við leigusáttmála.

- Hann er 182 sentimetrar høgur, og verður lýstur sum ein sterkur og skjótur spælari, sum hevur eitt sera gott skot. Skotið er eisini nýtt nógv í ungdómsrøðunum, har hann millum annað var toppskjútti, tá OB vann DM fyri U19 lið. Enn er gjøgnumbrotið á hægsta stigi í Danmark tó ikki komið, og hetta fram til kappingarlok verður tað her hjá okkum, at hann skal royna seg, skrivar B36 á heimasíðuni.

Sáttmálin við Rasmus varð undirskrivaður í dag, og nú skulu pappírini viðvíkjandi leikaraflytingini góðkennast.

Herfyri gjørdist greitt, at málrevurin Uros Stojanov ikki longur fór at spæla í hvítum, men at hann hevði skrivað undir sáttmála við Skála, sum liggur aftast í Betri deildini. Síðani Uros Stojanov kom til B36 í fjørsummar hevur tað ikki gingið væl við málskjótingini, og tí samdust partarnir um at fara hvør til sítt.

B36 liggur á fjórða plássið í Betri deildini hjá monnum við 22 stigum. Hósdagin verður seinni Conference League-dysturin leiktur móti Borac Banja úr Bosnia Herzegovina. Fyrri dysturin endaði 2-0 til Borac Banja.