B36 styrkir seg við donskum áleypara

Tobias Christensen er nýggjur maður í hópinum hjá B36. Hann hevur sáttmála við Vendsyssel í næstbestu donsku deildini, men verður leigaður út til teir hvítu í Gundadali.

26 ára gamli danin verður lýstur sum ein kvikur spælari, ið kann røkja flestu framrættaðu pláss á vøllinum. Bæði mitt fyri og í borðunum. Hann hevur góðan bóltførleika og dugir eisini væl at finna viðspælarar sínar, og vit gleða okkum avgjørt til at síggja hann á vøllinum, skrivar B36 um nýggja mannin.

Bólturin í Betri deildini hjá monnum rullar aftur 6. mars.

Leygardagin 6. mars
EB/Streymur - ÍF

Sunnudagin 7. mars
07 Vestur - B36
B68 - KÍ
HB - NSÍ
Víkingur - TB