B68 gjørdi bart tá á stóð - Skála bert sjey stig síðani 1. juni

B68 hevði bert vunnið fýra landskappingardystir og skorað 19 mál undan dystinum við Løkin í gjár, men við 4-1 sigri á NSÍ eydnaðist liðnum hjá Jákupi á Borg at fara og framvið Skála og harvið helt B68 sær í Betrideildini.

Sí eisini: B68 bjargaði sær í Betrideildini

Sigrar á 07 Vestur og ÍF hava eisini verið týðandi fyri B68, sum skuldi vinna í seinasta umfari.

Talan var um sterkt liðavrik á einum degi, har B68 var betra liðið - útiliðið burdi fingið minst eina útvísing í 2. hálvleiki, men NSÍ gjørdi ikki nóg mikið til at vinna dystin. Av spælarum hjá B68 skaraðu serliga tannáringar og málskjúttarnir Jóhan Josephsen (19 ár, eitt mál og upplegg) og Bartal Páll Klein (17 ár, hattrikk) framúr.

Bartal Páll Klein verður fagnaður eftir sín stóra dyst

Eftir 3-1 málið hjá B68 var heilt stórur fagnaður á vøllinum - leikbannaði venjarin leyp eisini inn 

Og á áskoðaraplássunum (Myndir: Sverri Egholm)

Skála vann 12. juni sín 4. sigur, tá ÍF vitjaði. Tá hevði liðið hjá Paula Poulsen 13 stig og sjey stig niður til B68 og 9. plássi.

Síðani vunnu uppflytararnir bert ein dyst, 07 Vestur á heimavølli 14. september. Samanlagt fekk Skála 7 stig seinastu 15 umførini, og tað røkkir ikki.

Betrideildin, 27. og seinasta umfar
Í gjár, leygardagin 26.10

NSÍ - B68 1-4 (0-2)
22' Jóhan Josephsen 0-1
29' Bartal Páll Klein 0-2
83' Búi Egilsson 1-2
87' Bartal Páll Klein 1-3
90 (+6)' Bartal Páll Klein, br. 1-4

B36 - Skála 3-0 (0-0)

Hini úrslitini: 
Víkingur - 07 Vestur 4-1
ÍF - KÍ 1-4
EB/Streymur - HB 1-4

Sí meira um dystirnar ovast á portal.fo.

Støðan í Betrideildini eftir 26 umfør
1. Vìkingur 73 stig *
2. KÍ 67 stig
3. HB 59 stig 
4. NSÍ 42 stig **
5. B36 41 stig
6. 07 Vestur 30 stig
7. EB/Streymur 28 stig
8. B68 21 stig
----------------------
9. Skála 20 stig ***
10. ÍF 7 stig ***

* Føroyameistari
** Tryggja 4. plássið
*** Flutt niður

--