Bara David Kunoy verður við á Hvidovre Box Cup

Tveir av royndastu nevaleikarunum hjá Tórshavn Boksing ligið í harðari venjing í Danmark alla hesa vikuna fyri at fyrireika seg til altjóða boksistevnuna Hvidovre Box Cup um vikuskiftið.

Bæði David Kunoy og Teitur Annand vóru farna vikuskiftið við í eini aðrari stevnu, og vóru verðandi í Danmark at fyrireika seg til hesa nógv størri stevnuna.

Les eisini: David fekk gull og Heri silvur 

Men tað verður bert annar teirra, sum verður við í kappingini í Hvidovre.

Teitur Annand hevur kent seg sjúkan í longri tíð, og hevur tí tikið avgerð um at ikki at stilla upp á stevnuni í Hvidovre.

- Vit hava gjørt alt fyri at fáa Teit kláran... vit vænta, at Teitur skjótt boksar aftur, helst til DM fyri byrjarar í apríl, sigur Martin Meng, formaður og venjari í Tórshavn Boksing.

David Kunoy, hinvegin, er í toppformi eftir at hann vann gull seinasta vikuskiftið, og ætlar sær at gera alt fyri at vinna enn eitt heiðursmerki áðrenn leiðin gongur aftur til Føroyar.