Hondbóltur

Bartal heim at hjálpa Kyndli í steypakappingini

Spælskiparin flutti til Danmarkar seinasta summar men verður aftur í grønu troyggjuni til grannauppgerðina sunnudagin.

Bartal Klein Olsen flýgur til Føroya í vikuni og fer aftur at spæla nakrar dystir fyri Kyndil - tann fyrsta móti Neistanum (Mynd: Jens Kr. Vang)

Bartal Klein Olsen flýgur til Føroya í vikuni og fer aftur at spæla nakrar dystir fyri Kyndil - tann fyrsta móti Neistanum (Mynd: Jens Kr. Vang)

2020-01-15 11:21 Author image
Agnar Prestá
placeholder

Í vikuskiftinum byrjar Faxe Kondi steypakappingin. Hjá monnum er ein av fyrstu dystunum endurtøka av steypafinaluni í fjør, tá Neistin í seinastu sekundunum tryggjaði sær steypið í finaluni móti grønu grannunum.

Kyndil hevur havt eitt haltandi kappingarár í landskappingini: 8 stig í 12 dystum og eitt venjaraskifti er farið fram. Tí verður satsað nógv uppá at koma í hálvfinaluna í steypakappingini, og til at styrkja Kyndils-liðið kemur 21-ára Bartal Klein Olsen aftur at spæla nakrar dystir. Hetta váttar Bartal fyri Portalinum

Síðani hann flutti niður í lestrarørindum í august hevur Bartal Klein Olsen spælt fyri ÍF Føroyar. Í dag skal til seinastu próvtøkuna hetta semestri, og tí liggur væl fyri hjá Bartali at koma til Føroyar at spæla við í steypakappingini. Hann verður sostatt við teir tríggjar dystirnar í bólkaspælinum (umframt móti Neistanum eru teir móti Team Klaksvík og StÍF)

Bartal sigur, at um Kyndil kemur í hálvfinalurnar verður hann eisini tøkur at spæla fyri barndómsfelagið tá.

Bartal Klein Olsen hevur ikki spælt nakran almennan landsdyst, men var við landsliðnum í venjingardysti móti Bjerringbro-Silkeborg í august.

Her er skráin fyri Faxe Kondi steypakappingina

placeholder
placeholder