Bellerin burtur frá fótbólti minst seks mánaðir

23 ára gamli spanski vongbakkurin hjá Arsenal, Hector Bellerin, skal halda støðg frá fótbóltinum í upp til níggju mánaðir.

Tað gjørdist greitt, nú staðfest er, at skaðin hann fekk í dysti móti Chelsea leygardagin var so álvarsligur, at hann ikki kann spæla í seks til níggju mánaðir.

Arsenal skrivar á heimasíðuni, at Bellerin ein av komandi døgunum verður lagdur undir skurð, og so byrjar drúgva arbeiðið at venja knæið uppaftur.