Bilbao basti Barcelona

Barcelona hevur tvey tey seinastu árini vunnið spanska meistarheitið greitt, men katalanska stórfelagið kom illa frá byrjan, tá fyrsti dysturin í La Liga varð leiktur í gjárkvøldið.

Talan var um eina torføra uppgávu á pappírinum. Atletico Bilbao er sterkt á sínum heimavølli, og Barcelona fór eisini úr Baskaralandinum við ongum.

 (Griezmann fekk ikki nakra góða debut

Lionel Messi var ikki tøkur hjá Barcelona, og Luiz Suarez noyddist út fyri steðgin við skaða. Hetta, serliga tað fyrra, hevði sína ávirkan. Antoine Griezmann fekk sína almennu debut fyri Barcelona, ið hevði bóltin væl meira, men heimaliðið var meira vandamikið við sínum umstillingum og Inaki Williams.

Avgerðin fall í 89. minutti, tá 38-ára gamli áleyparin, Aritz Adruiz ið júst var komin á vøllin fyri Williams, skoraði við frálíkum síðusaksasparki, sum Ter-Stegen ikki fekk fatur á.


(38-ára gamli Adruiz í akrobatiskum stíli - Mynd: EPA)

Frálík byrjan hjá Atletico Bilbao, meðan tey í Barcelona helst gleða seg nógv til, at Messi er við aftur.