Ingi Samuelsen
Føroysku hondbóltshetjurnar, kvinnulandsliðið, sum vann á Spania í gjárkvøldið, vandi í ein tíma í Alfons-Steinbach Halle í sunnara útjaðaranum av Trier. Ein góð venjing, sambært teimum sjálvum.
Men fleiri at spælarunum luttóku ikki í sjálvari skot- og rennivenjingini, men sótu ella stóðu út við veggin og gjørdu strekki- og styrkivenjingar ella fingu viðgerð av fysioterapeutinum, Beintu Bendix Laursen.
- Nei, tú skalt onki leggja í hetta. Hetta eru leikararnir, sum vit trektu nógv upp á í gjár. Tær skulu ansa eftir ikki at verða overvaðar, og tí spara vit tær til venjingina í dag, segði Claus Mogensen, landsliðsvenjari, tá venjingin var liðug.
Tær, sum ikki vandu við í dag vóru serliga Pernille Brandenborg, Jana Mittún, Súna Hansen og Rannvá Olsen.
Vinarliga broyt tínar kennifíla - og privatlívsstillingar fyri at síggja hetta innihald