Bogi fer nú at spæla við FIF

Hann hevur vunnið nógv steyp við barndómsfelagnum seinastu árini, og síðsta kappingarár spældi Bogi Hansen stóran leiklut sum høgri bakkur hjá ungu føroyameistarunum úr H71 - eisini var hoyvíkingurin á ársins liði.

Bogi hevur annars altíð verið vongur. Tað er har, hann hevur spælt á ungdómslandsliðnum - er partur av sterka 2002-árganginum - og tað er har, at lámi spælarin fer at spæla fyri felagið av Frederiksberg.

Bogi Hansen til U21 HM í fjør. Hann hevur verið við til at spæla tvey endaspøl, vunnið European Championship og European Open við 2002-árganginum (Savnsmynd: Sverri Egholm)

FIF er eitt "føroyingafelag" í næstbestu donsku deildini. Har spæla Jónas Gunnarsson Djurhuus, Janus Dam Djurhuus og Leivur Mortensen. FIF endaði mitt á stigatalvuni síðsta kappingarár og hevur gjørt ein vørr í donsku steypakappingini í 2024. Bogi Hansen hevur vant við liðnum ein part av summarinum.

Bogi flytur fyrst og fremst til Danmarkar í lestrarørindum, men 22-ára gamli hoyvíkingurin skal nú eisini royna sítt hondbóltsflog í danska høvuðsstaðnum. Hann hevur áður verið partur av bruttohópinum hjá A-landsliðnum.

Talan er ikki um eitt skiftið, sum FIF Håndbold hevur kunngjørt, men Portalurin hevur fingið tað váttað frá góðum keldum.

Bogi Hansen gjørdi í samrøðu, beint aftaná FM-gullið var komið í hús, greitt, at hann skuldi víðari eftir summarferiuna. Harvið hevur H71 mist hann, Svein Olafsson (Afturelnding, Ísland) og Ísak Vedelsbøl (IK Sävehof, Svøríki) - allir lyklaspælarar í FM-árinum í fjør.