Fótbóltur

Bólturin fer nú aftur á rull í Betrideildini

Tríggir dystir eru á skránni í kvøld, har tríggir rímiliga greiðir favorittar eru. Jákup á Borg og B68 vitja B36, sum nú hevur Magna Hoseth sum oddamenn - oddaliðini eru á útivølli.

Magne Hoseth, her sum KÍ-venjari undan einum Conference League-dysti, er aftur í føroyskum fótbólti. Hann stendur í dag á odda fyri B36 fyri fyrstu ferð (Savnsmynd: Aleksandar Djorovic)

2024-06-15 12:31

Agnar Prestá

Eftir landsliðssteðg byrjar Betrideildin aftur. Hetta við 13. umfari og trimum dystum í kvøld.

13. umfar í Betrideildini hjá monnum
Í dag, leygardagin 15.06

17.00:
B36 - B68
Skála - Víkingur

19.00: 07 Vestur - HB

Tveir teir seinastu dystirnir í umfarinum verða spældir í morgin.

Í morgin, sunnudagin 16.06
15.00:
EB/Streymur - KÍ
ÍF - NSÍ

Støðan í Betri deildini hjá monnum
1. Víkingur 33 stig
2. HB 33 stig
3. KÍ 27 stig
4. NSÍ 19 stig
5. B36 16 stig
6. 07 Vestur 15 stig
7. Skála 13 stig
8. EB/Streymur 7 stig
9. B68 6 stig
10. ÍF 3 stig

Tey bæði ovastu liðini skulu royna at avgreiða uppgávur á útivølli, sum eru heldur lumpisligar. HB vann tó 3-0 seinast í Sørvági (29. apríl) og er á pappírnum stórur favrittur. Tað er Víkingur eisini á Skála. Tað er ongantíð eydnast Skála at vunnið á Víkingi, sum beint fyri landsliðssteðgin vann lykladyst í Klaksvík. Liðið hjá Paula Poulsen gjørdi tað torført fyri Víking í Sarpugerði í 5. umfari (2-1)

HB og Víkingur hava bæði 33 stig higartil. Liðini hava vunnið 11 av sínum tólv dystum. HB hevur bert tapt í Sarpugerði - Víkingur í Klaksvík (Savnsmynd: Sverri Egholm)

- Eg gleði meg ógvuliga nógv at standa á síðulinjuni aftur til ein dyst í Betrideildini. Eg skal ikki fjala, at aðrir møguleikar hava verið uppi og vent, men at arbeiða í Føroyum er nakað heilt serligt.

Soleiðis sigur Magne Hoseth við Blaðið, sum er komið út í morgun. Norðmaðurin er í vikuni av álvara farin í gongd við starvið í Gundadali. Hann er avloysarin hjá Dan Brimsvík í B36 og sær nógv í liðnum, sum ikki hevur avrikað væl í 2024 - bert vunnið ein av teimum seinastu átta dystunum í Betrideildini.

Les alla samrøðuna ókeypis í Blaðnum Vikuskifti her

Í dag skulu trý stig á talvuna móti B68. Liðið hjá Jákupi á Borg skal royna at vinna seg uppum strikuna - á gamla heimavøllinum hjá venjaranum. Tað eyndaðist at fáa ársinbs fyrsta sigr í hús beint fyri landsliðssteðgin (EB/Streymur 2-1). Nú er nýggjur norskur miðvallari komin til Toftir, og fær hann helst spælt við í dag.

Jákup á Borg aftur á gomlum gøtum - í Gundadali (Savnsmynd: Sverri Egholm)

Til ber at fylgja gongdini á forsíðu okkara. Allir dystirnir kunnu síggjast hjá Televarpinum.

Tøl: FaroeSoccer

Vinarliga broyt tínar kennifíla - og privatlívsstillingar fyri at síggja hetta innihald