Agnar Prestá
Tað er vanligt rættur innandura-fótbólts dámur í Klaksvík millum jól og nýggjar, tá bandarnir verða settir upp og spælt verður frá morgni til kvølds. Í døgunum 29.-30. desember skipar Bláa Bylgjan, ið er fjepparafelagið hjá KÍ, fyri stórari innandura fótbóltskapping í KÍ-høllini. Kappingin fyri gentur og dreingir í øllum aldri.
Bláa Bylgjan skrivar, at í 2018 vóru áleið 100 lið við umleið 520 leikarum, sum komu úr øllum landinum. Fyrireikarnir vænta, at undirtøkan verður væntandi stór aftur í ár.
Kappingin umfatar hesar aldursbólkarnir:
U7 dreingir 5-6 ár (f. 2013-14)
U8 dreingir 7 ár (f. 2012)
U9 dreingir 8 ár (f. 2011)
U11 dreingir 9-10 ár (f. 2009-10)
U13 dreingir 11-12 ár (f. 2007-08)
U15 dreingir 13-14 ár (f. 2005-06)
U17 dreingir 15-16 ár (f. 2003-04)
U21 dreingir 17-20 ár (f. 1999-02)
Vaksin (Hægst tveir leikarar úr Betrideildini/1.deild í 2019 ella samsvarandi støði uttanlands á vøllinum samstundis)
Eru 3 ella fleiri gentulið til eina deild, so verður kapping hjá gentum. Aldursbólkarnir hjá gentum eru U7, U9, U11, U13, U15 og U18. Eru ov fá lið, so fáa gentulið møguleikan at spæla saman við dreingjunum, men í einum aldursbólki lægri enn tær hava aldur til.
U17, U21 og vaksin spæla við fýra leikarum á vøllinum í senn - hini við fimm. Í øllum deildum er loyvt at hava ein skiftisleikara.
Bláa Bylgjan boðar frá, at væntandi verður spælt soleiðis:
Sunnudagin 29. desember: U7, U8, U9, U17, U21 og allar gentukappingar.
Mánadagin 30. desember: U11, U13, U15 og vaksin
Til ber at melda seg til kappingarnar fram til klokkan 19. 3. jóladag 27. desember
Vinarliga broyt tínar kennifíla - og privatlívsstillingar fyri at síggja hetta innihald