Fótbóltur

Chelsea leggur trýst á

Nýggju venjararnir hjá Leicester og Fulham byrjaðu við 2-1 ósigrum. Chelsea hálaði sigurin heim í London-uppgerðini, og nú er sera tætt í í stríðnum um Champions League-plássini.

Teir í bláum kundi fegnast í grannauppgerðini í dag
(Mynd: EPA)

Teir í bláum kundi fegnast í grannauppgerðini í dag (Mynd: EPA)

2019-03-03 16:56 Author image
Agnar Prestá
placeholder

Javnleikurin í North London Derby í gjár opnaði veruliga upp fyri United og Chelsea í topp-fýra stríðnum. Eftir nógv baks við Southampton tók United tó av við seinum avgerandi málið frá Lukaku. Í dag var tað Chelsea, ið átti tørn, og liðið hjá Sarri hevði eisini sínar trupulleikar við einum av liðunum í botninum.

Chelsea vitjaði lítla Craven Cottage við Thames-ánna. Tað er ein stuttur teinur; bert tveir kilometrar skilja leikvallirnar hjá høvuðstaðarfeløgunum í vestara parti av London. Hjá útiliðnum var Kepa Arrizabalaga aftur í málinum.

[object Object]
(Nógv fokus var á Kepa í dag - Mynd: EPA)

Chelsea setti seg á dystin beinanvegin við skjótum og góðum fótbólti. Tað gav úrslit eftir 20 minuttir, tá Gonzalo Higuain setti seinasta fótin á eitt vælleikt álop. Fulham smæddist ikki burtur, og stutt eftir hetta javnaði verjuleikarin Callum Chambers í samband við eitt hornaspark. Men verjuparturin er stóri veikleikin hjá uppflytarunum, og eftir hálvan tíma var Chelsea á odda. Tað var nógv kritiseraði miðvallarin Jorginho, ið avsluttaði sera væl. 

Hetta var fyrsti dysturin hjá Scott Parker við róðrið í Fulham. 39-ára gamli venjarin, sum hevur eina fortíð sum leikari í báðum feløgum, kann vera stoltur av sínum monnum, ti teir stríddust ógvuliga væl og hótti Chelsea ígjøgnum 2. hálvleik. Kepa byrjaði dystin ósikkurt, men nógv umtalaði baskiski málverjin hevði fleiri góðar og umráðandi bjargingar eftir steðgin. Fulham hevði bóltin í Chelsea-málinum í 95. minutti, men eyðsýnda stórtalentið, Ryan Sessegnon, var rangstaddur. Chelsea slapp við skrekkinum, og nú eru bert fimm stig, ið skilja nummar trý  og nummar seks. Fulham er framvegis í stórum trupulleikum. 

[object Object]
(Mynd: EPA)

Í fyrsta dystinum í dag fekk Brendan Rodgers sína debut sum Leicester-venjari. Hann royndi seg við einari verjuketu við fimm leikarum. Watford kom beinanvegin á odda, tá Troy Deeney snittaði eitt hart og gott frísparksinnlegg frá Deulofeu í málið. Leicester hevði trupulleikar við at skapa dystin, hóast liðið hevði bóltin væl meira. Men eitt korter fyri tíð skoraði Jaimie Vardy eitt av sínum typisku málum: Bólt í dybdina og køld avslutning.

Tað líktist einari stigdeiling, men í yvirtíðini sløsaði Leicester bóltin vekk í uppspælinum. Watford gjørdi skjótt av, og Andy Gray takkaði fyri. Súrt hjá Rodgers og co.

Watford - Leicester 2-1 (1-0)
Fulham - Chelsea 1-2 (1-2)

Støðan: 

Manchester City

 

71 stig

2


Liverpool *

 

69 stig

3

Tottenham Hotspur 

 

61 stig

4

Manchester United

 

58 stig

5

Arsenal 

 

57 stig

6

Chelsea *

 

56 stig

7

Wolverhampton 

 

43 stig

8

Watford 

 

43 stig

9

West Ham

 

39 stig

10

Everton *

 

36 stig

11


Leicester 

 

35 stig

12

AFC Bournemouth

 

34 stig

13

Crystal Palace 

 

33 stig

14

Newcastle 

 

31 stig

15

Brighton & Hove Albion *

 

30 stig

16

Burnley

 

30 stig

17

Southampton

 

27 stig

18

Cardiff

 

25 stig

19

Fulham 

 

17 stig

20

Huddersfield Town 

 

14 stig

* Ein dyst færri

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder