Chelsea sleppur at keypa leikarar í januar

Í Februar fekk Chelsea stóra bót og keypsbann í tveir flytingargluggar, eftir at felagið hevði brotið reglurnar um keyp av leikarum undir átjan ár.

Chelsea kærdi dómin, sum nú hevur verið til viðgerðar í altjóða ítróttardómstólinum CAS.

Úrskurðurin hjá CAS er at dómurin veðrur skorin niður í helvt, og tískil er revsingin nú av, eftir at Chelsea ikki slapp at keypa leikarar í flytingarglugganum i summar.

Tískil stendur greitt, at Chelsea aftur kann keypa leikarar, tá flytingargluggin letur upp aftur í januar.