Fótbóltur

Chelsea vann tryggan sigur

Menninir hjá Frank Lampard vunnu 2-0 á útivølli ímóti Newcastle.

Tammy Abraham skeyt tað eina málið fyri Chelsea í 0-2 sigrinum í dag.(Mynd: EPA)

Tammy Abraham skeyt tað eina málið fyri Chelsea í 0-2 sigrinum í dag.(Mynd: EPA)

2020-11-21 18:01 Author image
Niels Pauli Danielsen
placeholder

Premier League er byrja aftur eftir landsliðssteðgin. Fyrsti dystur av fýra í dag varð leiktur á St. James’ Park, har Newcastle tók ímóti Chelsea.

Chelsea setti seg á dystin frá byrjan av, og løgdu seg á odda longu í tíggjunda minutti, tá Federico Fernandez var óheppin beindi bóltin í egið mál.

Chelsea hevði fleiri góðar møguleikar í fyrra hálvleiki, men tað kom bert tað eina mál fyri steðgin.

Newcastle kom betri við í seinna hálvleiki, men beint sum heimaliðið hevði sína besta løtu í dystinum, løgdu gestirnir seg á odda 2-0 við flottum mótálopi, har Timo Werner stóð fyri upplegginum til málið, sum Tammy Abraham skoraði.

0-2 gjørdist endaliga úrsliti, og við sigrinum hevur Chelsea lagt seg á odda í Premier League. Tað er tó sera tætt í oddinum, har Leicester, Tottenham, Liverpool og Southampton kunnu fara framvið Chelsea, um tey vinna sínar dystir hetta umfarið.

Á Vila Park tók Aston Villa ímóti Brighton. Her var tað gestirnir úr Brighton, sum óvænta vunnu dystin 2-1. Málini hjá Brighton skutu Danny Welbeck og Solly March, meðan Ezri Konza skeyt málið fyri Aston Villa

Seinni í kvøld eru tveir dystir á skránni. Á Tottenham Hotspur Stadium er stórdystur á skránni, har Tottenham tekur ímóti Manchester City.

Seinasti dysturin í dag er á Old Trafford, har Manchester United tekur ímóti West Bromwich.

placeholder
placeholder