Agnar Prestá
Í Suðuramerika eru 12 lond farin í gongd við at dystast um meistaraheiti. Tað eru tey tíggju liðini í CONMEBOL, umframt Japan og Katar ið eru við sum gestir. Liðini eru í trimum bólkum, har tvey tey bestu koma víðari í hvørjum, umframt tveir teir bestu trýararnir.
Kappingin er í størsta landinum í Suðuramerika, ið er vertir fyri fimtu ferð. Eitt ávíst trýst er á brasilianska liðnum, ið varð sligið út úr fjórðingsfinaluni til HM í fjør, og sum "bert" hevur vunnið Copa America átta ferðir. Hetta er seks ferðir færri enn arvafíggindarnir Argentina og sjey ferðir færri enn Uruguay, ið er mest vinnandi landið í kappingini við 15 heitum.
Brasila spældi byrjanardystin ímóti Bolivia í Sao Paulo í nátt. Eftir ein málleysan 1. hálvleik setti heimaliðið tingini uppá pláss í 2. hálvleiki. Philippe Coutinho gjørdist tvífaldur málskjútti, áðrenn Everton staðfesti sigurin. Hini bæði liðini í bólki A, Venezuela og Peru, spæla í Porto Alegre í løtuni.
Í bólki B er spennandi dystur á skránni klokkan 23.00, tá Argentina og Kolumbia bresta saman. Hesi liðini eru favorittar at fara víðari í bólkinum. Paraguay og Katar hittast í annaðkvøld
Bólkur C (seinasti bólkurin):
Ecuador, Uruguay, Kili (meistarar tvær tær seinastu ferðirnar) og Japan
-Fyrstu dystirnir í bólkinum verða leiktir mánakvøldið/týsnáttina
Vinarliga broyt tínar kennifíla - og privatlívsstillingar fyri at síggja hetta innihald