Annað

Cristiano Ronaldo bønaði um at fáa frið at sova

Iransk viðhaldsfólk larmaðu uttanfyri hotellið.

Mynd: EPA

Mynd: EPA

2018-06-25 20:12 Author image
Ari av Rana

Portugisiska fótbóltsstjørnan varð noyddur at bøna ein bólk av iranskum viðhaldsfólkum um at lata hann fáa frið at sova, tá hesi vóru samlaði við hotellið í Saransk, har portugisiska landsliðið var.

Portugal og Iran møtast í dysti í kvøld, har vinnarin er vísir í at sleppa víðari í kappingini. Portugal er á øðrum plássi við fýra stigum, meðan Iran er á triðja plássi við trimum stigum.

Iransku viðhaldsfólkini vóru samlaði við hotellið, har tey hildu gang við trummum og vuvuzela ljóðførum langt út á náttina.

Ronaldo kom at enda til vindeyga og bønaði viðhaldsfólkini um at verða friðarlig. Umbønin virkaði, tí at stutt eftir var friðarligt, skrivar ESPN.

Portugal og Iran spæla klokkan 19 í kvøld.

placeholder
placeholder