Dánjal og Janus eru í finaluni

ÍBV gjørdi reint borð - hattrikk - í hálvfinalunum móti FH. Hetta er greitt eftir 31-29 sigurin í triðju hálvfinaluni, sum var á útivølli í gjárkvøldið.

ÍBV var eisini á odda við tveimum málum í steðginum í spennandi dystinum. Vinstri vongurin úr Hoyvík, ið skal til U21 endaspæl í næsta mánaði, skoraði tvey mál. Janus Dam Djurhuus kom úr H71 síðsta summar. Hann og Dánjal Ragnarsson, sum er uppvaksin í Neistanum og fór til Vestmannaoyggjarnar í 2021, hava verið fastir partur av hópinum alt árið.

22-ára gamli Dánjal og 20-ára gamli Janus skulu í seinna helmingini spæla um gullið. Fyrsta finalan verður mánadagin 20. mai. Liðið, sum fyrst kemur upp í tríggjar finalusigrar, gerst íslendskir meistari 2022/2023. Um talan verður um fimm finalur verður tann seinasta 31. mai.

Dánjal og Ragnar í ÍBV-búnanum (Mynd: ÍBV)

Tað verða Afturlending ella Haukar, sum skal dystast við ÍBV um gullið. Har stendur á jøvnunum eftir tvær finalur - triðja finalan verður í kvøld. Harvið fær mótstøðuliðið hjá føroyingaliðnum minni tíð at hvíla seg og fyrireika seg til finalurøðin.

Kvinnurnar hjá ÍBV spældu seg týskvøldið í finalurnar. Ingibjørg Olsen úr Vestmanna er partur av liðnum har, og harvið kann tað gerast gullregn fyri tríggjar føroyingar á Vestmannaoyggjunum seinni í mánaðinum.


ÍBV-kvinnurnar fegnast um finaluplássið - Ingibjørg Olsen sæst í miðjuni her (Mynd: ÍBV)