Agnar Prestá
- Stemningurin er, at vit hava ein møguleika hóast 0-2 í Skotlandi. Tað snýr seg um at hava eina trúgv uppá tað og at royna at skora fyrsta málið.
Soleiðis segði Teitur Matras Gestsson, tá Portalurin og FM1 fingu orðið á HB-hjálparvenjaran og fyrrverandi málverjan á Gundadali ólavsøkudag.
Hoyr eisini: Skora vit fyrsta málið so verður eldur í
Hetta var, beint eftir at ólavsøkukórið hevði sungið. HB'arnir skuldu venja: Á ólavsøku skulu teir hugsavna seg um at spæla móti skotska Motherwell, sum vitjar Tórsvøll í morgin.
Talan er um seinna dystin í 2. umfari í Conference League. Gestirnir hava ein góðan fyrimun við sær - eftir tvey góð langskot á Fir Park, men sum bolt.fo vísir á, hevur HB ikki tapt í átta teimum seinastu evropeisku heimadystunum. Harav hava verið dystir móti fleiri sterkum evropeiskum liðum: - Hetta kemur ikki av sær sjálvum, staðfestir Teitur Matras Gestsson.
Conference League 2. umfar
Seinni dysturin, hósdagin 30. juli á Tórsvølli Park
18.00: HB - Motherwell (0-2) - útivallarmál eru ikki galdandi
FM1 sigur frá dystinum og til ber at fylgja gongdini ovast á Portalinum
Skotsk feløg hava ivasom hagtøl á útivølli í Evropa, og Motherwell hevur eitt lutfalsliga nýtt lið: Jens Berthel Askou leiddi liðið til 4. pláss í fjør, men fyrrverandi HB-venjarin er nú í Fraklandi, og sjey nýggir spælarar vóru í byrjanaruppstillingini móti HB í síðstu viku.
Hesi tingini vísa umboð á BBC Sport Scotland, sum Portalurin hevur verið í samskifti við á. Greitt verður frá, at huglagið í "Fótbóltsskotlandi" als ikki er, at Motherwell bara skal avgreiða uppgávuna móti HB uttan himpr.
Man var í roynd og bilsin av, at spælið koyrdi so mikið væl móti føroyska liðnum í Skotlandi - og tá HB sínar støður í 2. hálvleiki.
Væntað verður at í øllum førum eini 200 skotskir áskoðarar, sum plaga at vera mælskir, vera til dystin á Tórsvølli hóskvøldið 30. juli klokkan 18.
Vinarliga broyt tínar kennifíla - og privatlívsstillingar fyri at síggja hetta innihald