Eli Thorsteinsson nýggjur formaður í Kyndli

Kyndil hevði í gjár eykaaðalfund.

Á skránni var ímillum annað ein broyting av grein 4 í viðtøkum felagsins, soleiðis at tal av nevndarlimum broytist frá 4-6 til 5-10. Aðalfundurin tók einmælt undir við hesari broytingini.

Í hesum sambandi varð nevndin eisini víðkað - tveir nýggir limir vórðu valdir í nevdina hjá 65-ára gamla hondbóltsfelagnum.

Talan er um Eli Thorsteinsson og Kristoffur Kristoffersen. Tað gjørdist eisini greitt, at Eli er nýggjur formaður í Kyndli, og at allir hinir nevndarlimirnir halda fram - millum annað Maibritt Johannesen, ið hevur verið forkvinna í næstan fýra ár.