.jpg)
2018-08-08 09:54
Ari av Rana
Ari av Rana
Egyptiski málmaðurin Essam El Hadary hevur boðað frá, at hann gevst sum landsliðsleikari. Essam El Hadary gjørdist elsti málmaður nakrantíð í einum HM endaspæli, tá hann sum 45 ára gamal vardi málið móti Saudi Arabia í síðsta dystinum í bólkaspælinum.
El Haddary var við til HM sum eykamálmaður hjá Egyptalandi, men tá landið ongan møguleika hevði at spæla seg víðari úr bólkinum eftir tveir dystir, slapp hann at verja málið í síðsta dystinum. El Haddary gjørdi ikki mætari enn at bjarga einum brotssparki í tí dystinum.
El Haddary spældi 159 landsdystir fyri Egyptaland og vann fýra afrikansk meistaraheiti, skrivar ESPN. Hóast hann gevst á landsliðinum, so fer hann framhaldandi at spæla fyri lið sítt Ismaily í bestu egyptisku deildini.
Vinarliga broyt tínar kennifíla - og privatlívsstillingar fyri at síggja hetta innihald