EM: Føroyar skulu fáa hjálp

Bregenz, Eysturríki (Portalurin) - Í dystinum móti Ukraina mikudagin lótu Føroyar 26 mál inn. Í fyrra hálvleiki í Eysturríki eru 24 mál farin inn.

Eysturríki hevur spælt við ógvuliga stórari góðsku í serliga álopspartinum so at siga allan hálvleikin. Okkara verja er skrædd sundur í nógvum støðum, og Pauli Jacobsen fekk ikki fatur á nøkrum bólti - hann fekk tó heldur ikki nógva hjálp. Nicholas Satchwell hevur havt tríggjar bjargingar, men annars hava teir á heimaliðnum verið tryggir. Sterka strikuspælið hjá heimaliðnum hevur verið eitt, ið hevur givið Føroyum høvuðbrýggj. 

Verjan er stóri trupulleikin - Føroyar hava skorað seks ferðir - men føroyska liðið hevur eisini samanlagt brent nógv meira og gjørt fleiri teknisk mistøk. 


Teir yvir 30 føroysku áskoðarnir hava ikki havt so nógv at fegnast um men hava roynt at koyrt á (Mynd: Sverri Egholm)

Tað røkist einki fyri, at okkara koma aftur í hesum dystinum, men EM-plássið kann framvegis koma í hús. Rumenia er á odda við einum móti Ukraina, ið harvið skal vinna seinna hálvleik við minst átta málum fyri at taka 3. plássið frá Føroyum.

Onkur av lægri liðunum liggur til at vinna á stórfavoritti, men higartil sær eingin út til at yvirhála okkum í trý'ara rokniskapinum. Tað kann tó fáa nógv at siga, hvussu stórt tapið hjá Føroyum í kvøld verður.

Sí eisini: Soleiðis koma Føroyar til EM 

EM-undankappingarbólkur 4 -  6. og seinasta umfar
30. apríl, Handballhalle Bregenz
Eysturríki - Føroyar (24-16)

Dystargongdin: 
5 min: 5-3
10 min: 10-5
15 min: 13-8
20 min: 16-11
25 min: 20-12

Ukraina - Rumenia (12-13)

Støðan í bólkinum áðrenn síðsta umfar:
Eysturríki 10 stig 
Rumenia 4 stig
Føroyar 4 stig *
Ukraina 2 stig

*Fýra teir bestu trý'arnir koma, eins og nummar eitt og tvey, víðari til EM-endaspælið. Føroyar er í løtuni tann besti trý'arin av teimum átta