Emre Can skrivað undir fýra ára sáttmála við Juventus

Í gjár varð kunngjørt, at týski miðvallarleikarin hjá Liverpool, Emre Can, skiftir til italska stórfelagið Juventus.

Hóast sáttmálin hjá Can við Liverpool gongur út við endan av hesum mánaðinum, og at hann tí kann skifta ókeypis til Juventus, so verður tað ikki heilt bíligt hjá felagnum úr Torino.

Juventus boðar frá, at felagið má gjalda 16 milliónir evrur yvir næstu tvey kappingarárini fyri at fáa hendur á týskaranum. Størsti parturin av hesum pengunum fer til leikaran sjálvan fyri at fáa hann at skriva undir, meðan restin fyri til umboðsfólkið hjá leikaranum.

Harumframt verður mett, at leikarin fær áleið 220.000 pund um vikuna. Hetta er áleið 185.000 pund meiri enn hann fekk í Liverpool.