Enn ein sigur til Sarah Mahfoud

Hálvføroyski boksarin Sarah Mahfoud vann í gjárkvøldið á italsku Veronica Tosi, ið eisini verður nevnd "slaktarin".

Hetta var í sambandi við Danish Fight Night í Royal Arena í Keypmannahvan. Dysturin vardi átta umfør.

33 ára gamla Sarah Mahfoud hevur nú vunnið 13 av 14 dystum sum yrkisboksari. Einasti ósigurin var í september í fjør. Hon tapti ímóti Amandu Serrano úr Puerto Rico í Manchester og misti tá eisini sítt heimsmeistaraheiti.