Tíðindaskriv
Føroysku flogbóltskvinnurnar skulu komandi dagarnar luttaka í eini SCA kapping í Andorra.
Ferðalagið er í dag farið við Atlantsflog til Barselona og haðani koyra tær til Andorra.
Luttakandi liðini í hesi SCA kappingini eru Andorra, Írland, Skotland, San Marino, Malta og Liktinstein. Føroysku kvinnurnar eru komnar í innleiðandi bólk við Andorra og Írlandi.
Fríggjadagin 26. juni leika Føroyar ongan dyst, hóast fýra aðrir dystir verða tann dagin.
Føroysku kvinnurnar leggja fyri leygardagin 27. klokkan 11, føroyska tíð, ímóti Írlandi. Leygardagin klokkan 17 verður leikt ímóti Andorra.
Sunnudagin verða hálvfinalur, finalur og aðrir plaseringsdystir.
Føroyska liðið er helst ein av favorittunum at vinna kappingina, har endamálið er at vinna so nógvar dystir sum gjørligt fyri at savna týdningarmikil stig á heimsstyrkilistanum.
Høvuðsvenjarin, Marjan Nikolic, hevur úttikið hesar leikarar til kappingina:
Janna Falkvard
Rebekka Osberg Højsted
Osla Johannesen
Ingibjørg S. Müller
Anja Danielsen
Henrikka Jacobsen
Eva Gunn Niclasen
Sirið Samson
Sesilia Prior
Maria Teresea Vitalis
Jakobina Joensen
og Kristina Knudsen
Hjálparvenjarar eru Mileta Vesovic og Ognjen Nikolic.
Vinarliga broyt tínar kennifíla - og privatlívsstillingar fyri at síggja hetta innihald