Føroyar fingu eitt gott lutakast

Fyrst gjørdist tað greitt, at vit fingu Ukraina og Kosovo í okkara bólk. Hetta kundi metast sum rímiliga gott, og tá so Niðurlond komu úr ovasta styrkisbólki, so var greitt, at hetta samanlagt var eitt gott føroyskt lutakast.

Niðurlond hava vit ikki spælt ímóti í nýggjari tíð, men hetta er á pappírinum veikasta liðið úr ovasta styrkisbólki. Liðið hevur verið fyri stórar menning seinastu árini, og spælir skjótan álopshondbólt við nógvum duellspæli - nakað eins og Føroyar.

Ukraina kenna Føroyar ógvuliga væl. Hetta er fjórðu ferð á rað, at liðini eru í bólki saman í einari EM-undankapping. Ukraina hevði takið, sjálvt um Føroyar vóru nær við nakrar ferðir, men í fjør vunnu Føroyar við sjey málum, tá liðini hittust á Hálsi til avgerandi EM-undankappingardyst.

Sí eisini: Fyri sjeyndu ferð móti Ukraina

Kosovo og Føroyar hava spælt tríggjar ferðir áður. Í báðum førum hevur tað verið í menningarkappingum. Í 2015 vunnu Føroyar tvær ferðir greitt á júst Kosovo, og í 2017 endaði tað 33-30 til Føroyar í hálvfinaluni í IHF Challenge Trophy. Føroyar vunnu kappingina og hava ment seg nógv síðani. Kosovo hevur eisini flutt seg rætta vegin, men neyðugt var við tveimum sigrum á Stórabretlandi í januar fyri at koma her til.

Bólkur 6 í undankappingini til EM-endaspælið 2026:
Niðurlond
Føroyar
Ukraina 
Kosovo

Byrjað verður móti júst Kosovo á Hálsi mikudagin 6. november. - hetta verður helst seinasti heimadystur nakrantíð á Hálsi. Tað er sum heild semja um, at tað kundi verið nógv verri í lutakastinum, og Føroyar liggja væl fyri. Tvey lið koma beinleiðis víðari til EM. Fýra teir bestu trý'ararnir - átta bólkar eru - spæla seg eisini til endaspælið í Danmar, Noreg og Svøríki.

Her eru allir bólkarnir:

Rættað: 17.01