Føroyar vunnu fimm-settara í Íslandi

Talan gjørdist um eina framúr føroyska byrjan í Silver League 2025.

Menninir eru í Íslandi um vikuskifti, og í kvøld sigraðu teir á vertunum í Kópavági. 

(Skýggjamynd: Flogbóltssamband Føroya)

Føroyingar løgdu væl frá landi og vunnu tvey tey frystu settini. Í 2. setti var munurin heili sjey bóltar.

Íslendingar fullu tó ikki í fátt. Teir vunnu eitt ógvuliga tætt 3. sett, og síðani lá væl fyri at javna.

2-2 og harvið varð neyðugt við einum púra avgernandi setti. Har stóð á gomlum nøglum í løtum, men tað koppaði til føroyska liðið, sum vísti gott spæl og helt høvdið kalt.

Tað plagar at vera javnt millum Føroyar og Ísland, og tað var tað eisini hesaferð. Í føroysku leguni kunnu teir bara fegnast um, at tað eydnaðist at taka stigini.

Í morgin klokkan 16 bíðar sterka svenska liðið.

Føroyski hópurin áðrenn fráferð mikudagin 

Kvinnurnar skulu royna seg móti Íslandi í annaðkvøld. Talan er um seinasta umfar í Silvurliguni hjá teimum.

Meira seinni