Agnar Prestá
Yerevan, Armenia (Portalurin): Tað var stríggið, og føroyska liðið hevði ikki bóltin nógv. Samanspæl var ikki serliga nógv av; eiheldur nógvar støður við mótsstøðumálið.
Tað var tó líkamikið. Liðformaðurin Viljormur Davidsen seint í 1. hálvleiki skoraði trygt uppá brotssparkið, sum Brandur Hendriksson Olsen vann, í sambandi við langt innkast. Tað sá út til at vera í lagi: Tó ikki av størstu brotsspøtkum
Síðani stíddust allir hart fyri at halda nullið. Tað eydnaðist Teiti Getssyni, Gunnari Vatnhamar og hinum at vera fyri tí mesta, um var heilt vandamikið.
Harvið fingu Eyðun Klakstein, Atli Gregersen og hinir í toyminum sigur í sínum fyrsta dysti, og spælararnir fingu víst aftur, at Føroyar kunnu vinna kappingardystir.
Hetta var tann fyrsi slíki síðani sigurin á Turkalandi 25. september í 2022. Samstundis var hetta fyrsti útisigurin hjá føroyska manlandsliðnum í yvir fýra ár.
Hann setur Føroyar í heilt góða støðu í bólkinum: Um Lettland ikki vinnur í Norðurmakedónia í kvøld, so er plássið í Deild C í Nations League tryggjað til 2026 eisini. Hetta tí at Lettland og Norðurmakedónia spæla móti hvørjum øðrum í kvøld.
Sterkt stríðsavrik - meira herfrá seinni.
Nations League Deild C, bólkur 4
5. umfar - í dag, hósdagin 14.11 á Vazgen Sargsyan Republican Stadium
Armenia - Føroyar 0-1 (0-1)
33' Viljormur Davidsen, br. 0-1
Støðan í bólkinum eftir fýra umfør - tvey resta í:
1. Norðurmakedónia 10 stig *
2. Føroyar 6 stig
3. Armenia 4 stig
4. Lettland 4 stig *
* Ein dyst færri - spæla seinni í kvøld
Vinarliga broyt tínar kennifíla - og privatlívsstillingar fyri at síggja hetta innihald