Hondbóltur

Føroyska badmintonlandsliðið stríddist í Fraklandi í vikuskiftinum

Bartal Poulsen vann eitt sett moti Slovakia í gjár; annars vóru Magnus Dal-Christiansen og Niclas Højgaard Eysturoy tættast við at vinna fyri Føroyar í EM-undankappingini.

Bartal Poulsen vann 2.sett í dystium móti Slovakia í gjár
(Mynd: Badminton Europe)

Bartal Poulsen vann 2.sett í dystium móti Slovakia í gjár (Mynd: Badminton Europe)

2018-12-10 18:44 Author image
Agnar Prestá
placeholder

Bólkur 4 í EM-undankappingini fyri blandaði lið varð leikt í Aire sur la Lys í Fraklandi um vikuskifti. Føroyar leiktu ímóti fronsku vertunum, Estlandi og til seinast Slovakia.

Føroyar taptu í einmansleiki og tvímansleiki hjá kvinnum og monnnum og í blandaðum tvímansleiki móti fryst Fraklandi og síðani Estlandi.

Í gjáramorgunin varð seinasti dysturin leiktur. Slovakia stillaði ikki upp til tvímansleik hjá kvinnum, so har vunnu Føroyar uttan dyst. Í tvímansleiki hjá monnum endaði fyrsta sett í fleiri eykabóltum, og Magnus Dal-Christiansen og Niclas Højgaard Eysturoy fylgdu væl við í øðrum setti móti slovakum. Tað endaði 24-22 og 21-16 til Slovakia. Í einmansleiki hjá monnum vann Bartal Poulsen 2. sett 21-16, men tapti 2-1.

Hóast føroyingar taptu allar dystirnar og so var menning at heinta í kappingini, og fremstu føroysku badmintonleikarnir umboðaði Føroyar á høgum støði.

Frakland vann bólkin við 4-1 sigri á Estlandi í gjár, og vann sær harvið rætin at spæla í  "European Mixed Team Championships", ið verður í Keypmannhavn mitt í februar komandi ár. 

placeholder
placeholder