Agnar Prestá
FSF fór í 2017 í gongd við skipanina við fótbóltsmennarum fyri at royna at styrkja um arbeiði kring landið í feløgunum og á landsliðnum hjá FSF. Í løtuni eru tveir fótbóltsmennarar í starvi, Jógvan Martin Olsen og Eli Hentze, og ætlanin er at seta tveir afturat í starv. Hesum boðaði Fótbóltssambandi frá í gjár. Talan kann bæði verða um fulltíðarstarv og/ella parttíðar starv.
FSF skrivar, at í løtuni eru tveir fótbóltsmennarar í starvi hjá FSF, og nýggju fótbóltsmennararnir fara at arbeiða í mennaratoyminum, saman við teimum, sum frammanundan eru knýtt at ítróttarliga partinum í Fótbóltssambandi Føroya. Høvuðsuppgávan verður at verða við at menna og stuðla barna- og ungdómsvenjarum kring landið og verða við í menningini av leikarum í feløgunum. Eisini er møguligt, at teir fáa ein leiklut á ungdómslandsliðunum.
Á heimasíðuni hjá FSF ber til at lesa meira um starvslýsingina, førleikakrøv o.a
Vinarliga broyt tínar kennifíla - og privatlívsstillingar fyri at síggja hetta innihald