Fyrsti heimadysturin hjá Óla sæst á TV2 Sport

Í 1. umfari í Herreligaen bar til at síggja Óla Mittún beinleiðis í sjónvapi og á stroymingartænastu, og soleiðis verður eisini í 2. umfari.

GOG tekur klokkan 19 ímóti TTH Holstebro. Talan verður um fyrsta heimadystin hjá Óla í gulu og reyðu blusuni.

20-ára gamli føroyingurin verður longu sæddur sum eitt stórt stjørnuskot í bestu donsku deildini, og hóast heldur nógv brend skot í sigrinum í Skjern, so fekk Óli Mittún nógv rós eftir 1. umfar.

Sí eisini: Óli Mittún gjørdi um seg í fyrsta landskappingardystinum

So er spurningrin, hvussu stóran dám á nummar 78 setur á sína sveinaroynd í Svendborg. 

Dysturin sæst á TV2 Sport, sum er í pakkum hjá Televarpinum, og á TV2 Play - stroymingartænastuni hjá stóra miðlinum