Fyrsta Ódnartakið í Runavík í dag

Í dag verður fyrsta Ódnartakið í Runavík.

Sambært Róðrarsambandinum hava 50 manningar meldað seg til ódnartakið í dag. 

Róðrarnir verða avgreiddir í fýra riðlum, við ymiskum bátastøddum í hvørjum riðli. Hvør manning rør tríggjar ferðir eftir hvørja aðra. Startskotið til fyrsta riðilin verður nú klokkan 13.

Startrøðin sæst her.

Næsta ódnartakið í Runavík verður komandi leygardag, 21. mai, og fyrsti FM-róðurin verður á Norðoyastevnu 28. mai.