Agnar Prestá
Víkingur og B36 verða oftast at síggja, nú ársins steypafinalur hjá gentum og dreingjum - kvinnum og monnum standa fyri framman. Tilsamans ellivu feløg eru umboðað í teimum í alt níggju steypafinalunum, sum verða á Tórsvølli í næstum.
Hetta steðfestir FSF á heimasíðu sínari
Víkingur og B36 eru í fýra finalum, KÍ og Skála eru í tveimum, meðan B71, ÍF, HB, NSÍ og FC Hoyvík, umframt 07 Vestur og MB, ið hava felagslið í kappingini fyri gentur U13, eru í einari finalu.
Les eisini: B36 og Vìkingur best umboðað
Ársins fyrsta steypafinala verður í kvøld, mikukvøldið 2. oktober. Tað eru U16 genturnar hjá KÍ og Skála, sum skuldu fara at dystast um Eilif Arge steypið.
Hildið verður á hóskvøldið, tá U21 finalan verður spæld. Fríggjadagin eru tvær finalur á skránni, og leygardagin 5. oktober er tann stóri finaludagurin, tá fýra steypafinalur verða á Tórsvølli.
Televarpið vísir allar steypafinalurnar. Sí skránna niðanfyri.
Skráin:
Mikudagin 2. oktober
U16 gentur
KÍ – Skála (kl. 19:00)
Dómari: Annika Breiðaskarð
Hósdagin 3. oktober
U21
B71 – ÍF (kl. 19:30)
Dómari: Leivur Zachariassen
Fríggjadagin 4. oktober
U13 gentur
B36 – 07 Vestur/MB (kl. 17:30)
Dómari: Ørvur Mortensen
Minna steypakapppingin, kvinnur
FC Hoyvík – Skála (kl. 19:30)
Dómari: Dávid W. Sjóstein
Leygardagin 5. oktober
U13 dreingir
B36 – Víkingur (kl. 10:30)
Dómari: Dominick Troleis
U15 dreingir
Víkingur – B36 (kl. 12:30)
Dómari: Jákup V. Larsen
U17 dreingir:
KÍ – Víkingur (kl. 15:15)
Dómari: Heri Wang Danielsen
Kvinnur:
Víkingur – NSÍ (kl. 18:30)
Dómari: Andrass Frederiksberg
Ársins síðsta finala verður leygardagin 2. november klokkan 17:00, tá B36 og HB bresta saman um Løgmanssteypið.
Vinarliga broyt tínar kennifíla - og privatlívsstillingar fyri at síggja hetta innihald