Fyrsti sigurin hjá Hørði og FC Roskilde

FC Roskilde fekk í gjár fyrsta sigurin hetta kappingarárinum.

Hørður Askham og teir í Roskilde tóku ímóti Hvidovre IF á heimavølli og vunnu 2-0.

Oliver Juul Jensen legði Roskilde á odda í áttanda minutti, og níggju minuttir fyri leiklok økti Selim Baskaya sigurin við brotssparki.

Føroysk landsliðsmiðverjin fekk fulla spælitíð og var við at halda málið reint. Hørður fekk gult kort í dystinum.

Við sigrinum kemur FC Roskilde upp á fýra stig, og liggur framvegis á næstaftasta plássi í næstbestu deildini.