Gentulið hjá StÍF drúgvan túr í Suðuroynni

Gentur 10a høvdu ein drúgvari túr enn ætlað í Suðuroynni um vikuskiftið. Tær vunnu ímóti Neistanum 7-6, og spældu javnt ímíti VB 8-8, men heimferðin gjørdist ikki um ætlað.

Á veg á Krambatanga fekk ferðalagið at vita, at Smyril ikki sigldi norð aftur leygarkvøldið vegna veður. Næsti túrur bleiv ikki fyrr enn klokkan tvey sunnudag, - dagin eftir - vóru boðini, skrivar StÍF á heimasíðuni.

Tí mátti greiða fáast á hvussu sovast skuldi. Tey sum ikki høvdu aðra loysn, gistu umborð á Smyrli. Heimasíðan hjá StÍF skrivar, at genturnar hugnaðu sær við góðæti og spølum, meðan páparnir styttu sær stundir við fótbólti á skíggjanum.

Eftir fínan morgunmat umborð varð farið ein túr í marghøllina í Vági at spæla áðrenn Smyril setti kós norð eftir klokkan 14.

(Mynd: StÍF)

“Fantastiskt”, eru boðini frá StÍF-heimasíðuni.

G10a ferðalagið hjá strandingum skal aftur til Vágs at spæla 13. mars.