Fótbóltur

Gilli sló til í Haugesund

Føroyingurin skoraði í sigrinum hjá oddaliðnum Brann Bergen í gjárkvøldið.

Gilli Rólantsson undan dystinum í Kosovo týskvøldið. Í gjár kom hann á máltalvuna fyri Brann
(Mynd: Sverri Egholm)

Gilli Rólantsson undan dystinum í Kosovo týskvøldið. Í gjár kom hann á máltalvuna fyri Brann (Mynd: Sverri Egholm)

2018-09-16 08:47 Author image
Agnar Prestá
placeholder

Tað gongur sera væl hjá Brann Bergen í Eliteseriuni í Noregi. Og 26-ára gamli Gilli Rólantsson Sørensen er viðvirkandi til góðu gongdina. Tvørámaðurin er fastur maður í byrjanarupsstillingini, og í gjárkvøldið skoraði hann við einamansavrikið.

Brann byrjaði dystin væl, og legði seg á odda longu eftir 9 minuttir. Tríggar minuttir seinni vann Gill bóltin frá Haugesund-leikara í upsspælinum, hann setti ferð á, og komin inn í brotstegin var føroyski landsliðsleikarin tryggur. Hetta var triðja málið hjá Gilla Rólantssyni í fremstu norsku deildini í ár.

Liðini skoraði einaferð í part í 2.hálvleiki, og harvið vann Brann móti liðnum á 3.plássið. Við sigrinum fóru Gilli og liðfelagirnir framvið Rosenborg og tóku fyrsta plássið. Rosenborg kann tó leggja seg á odda afturtá liðið vitjar Vålerenga í Oslo í kvøld. Eitt stig skilir Brann Bergen og Rosenborg.

Gilli R.Sørensen spældi 75 minuttir á kantinum í gjárkvøldið, áðrenn hann varð útskiftur. 


placeholder
placeholder