Fótbóltur

Glottar at hóma í føroyskum tapi

Føroyska U17 landsliðið tapti 2-0 móti Noregi í gjárkvøldið.

Glottar at hóma í føroyskum tapi

Mynd: Sverri Egholm

2018-08-08 07:05 Author image
Ari av Rana

Føroyska U17 landsliðið í fótbólti hjá dreingjum tapti í gjárkvøldið 2-0 móti Noregi. Liðið varð revsað upp á síni mistøk, men hóast hetta vóru glottar at hóma.

- Eg kann ikki seta fingurin á avrikið hjá spælarunum, men í altjóða fótbólti verður tú revsaður fyri mistøkini. Tað blivu vit í dag. Annars er talan um eitt gott avrik, har vit skapa tríggjar stórar málmøguleikar, sigur Áki Johansen, U17-landsliðsvenjari við heimasíðuna hjá Fótbóltssambandi Føroya.

Føroyska liðið kom afturum eitt korter inn í fyrra hálvleik. Eitt innlegg kom úr høgru, sum føroyska verjan ikki fekk ruddað burtur. Robin Skrogstad slapp til skot og so var 1-0 til gestirnar.

Sí myndir her.

Í seinna hálvleiki er føroyska liðið væl við og koma til fleiri innlegg, men tað allar síðsta manglar í. Miðskeiðis í seinna hálvleiki kemur innlegg innfyri frá føroyingum, men norðmenn fáa fatur á bóltinum og seta skjótálop í gongd. Enn einaferð setti Robin Skrogstad bóltin í netið og so var 2-0, sum gjørdist endaliga úrslitið.

Næsti dystur hjá føroyska liðinum er hósdagin klokkan 15, tá Føroyar og Kina bresta saman á Tórsvølli.