Greitt hvørji lið hittast í hálvfinalunum hjá kvinnum

Lutakast um hvussu hálvfinalurnar skulu spælast í steypakappingin hjá kvinnum var í 3-2 í sjónvarpinum í kvøld.

Nummar eitt og tvey úr teimum báðum bólkunum vóru í pottunum, og tað bleiv greitt, at steypavinnararnir frá í fjør EBS/Skála skulu spæla móti B36.

Í hinari hálvfinaluni spæla KÍ og HB.

Fyrru hálvfinalurnar verða leiktar 1. august og seinnu 17. august.