Gundur í tvey ár afturat

ÍF helt sær uppi í Betrideildini við einum serliga einum góðum endaspurti. Ein av orsøkunum var Gundur Ellingsgaard Petersen. 

Nummar 14 á miðvøllinum spældi væl í nøkrum avgerandi løtum og skoraði millum annað í heimasigri á EB/Streymi, í ólavsøkusigrinum á TB og tvey mál í 3-1 sigrinum á AB í 23. umfari.

22-ára gamli fuglfirðingurin hevur eyðsýndar tekniskar dygdir við bóltinum. Gundur kann bæði hava bóltin trygt í løtum og fara avstað við honum. Nú er greitt, at vinstrabeinti lokali leikarin heldur fram í reyðum - til og við 2025.

- Gundur hevur gjørt ein tvey ára sáttmála við ÍF. Vit í ÍF eru sera fegin um, at Gundur ynskir, at halda fram tvey tey næstu árini hjá okkum.

Soleiðis skrivar felagið á Facebook-síðu sínari í dag. 

Gundur Ellingsgaaard Petersen hevur spælt 98 dystir og skorað ellivu mál fyri ÍF í Betrideildini - fimm av teimum í 2023. Samanlagt hevur hann yvir 100 dystir fyri besta liðið hjá barndómsfelagnum.

Tøl: FaroeSoccer


Mynd: Sverri Egholm