Agnar Prestá
Gunnar Vatnhamar møtir í dag hinum í føroyska landsliðshópinum sum íslendskur meistari 2025.
Í 2023 vann leirvíkingurin greipuna í sínum fyrsta ári í Víkingi Reykjavík, í fjør glapp meistaraheitið á seinasta leikdegi, men hesa ferð tryggjaði høvuðsstaðarfelagið sær gullið í triðseinasta umfari.
Víkingur vann í gjárkvøldið 2-0 á Heimiri Guðjónsson og FH, og so kundu tey í Víkingi stórfegnast.
Gunnar Vatnhamar er, enn sum áður, týðandi spælari hjá íslendska Víkingi - eins og hann var í barndómsfelagnum. Føroyski miðverjin spældi í gjár fullan dyst og var við at halda málið reint.
Hetta er triðja stóra steypið, ið Gunnar Vatnhamar vinnur í íslendskum fótbólti.
Nú bíða tvær landsliðsuppgávur hjá 30-ára gamla verjuspælaranum: Montenegro og Kekkia heima - ávikavist hósdagin og sunnudagin. Síðani fer Gunnar aftur til Íslands eftir steypinum og gullkrónunum.
Gunnar Vatnhamar hevur tvey ár eftir av sáttmálanum við Víking.
Vinarliga broyt tínar kennifíla - og privatlívsstillingar fyri at síggja hetta innihald