Agnar Prestá
Undir tekstinum (caption) "17.7.2025 - Don't stop believing" hevur HJK Helsinki lagt videobrotið, sum sæst omanfyri út.
Talan er um hæddarpunktini frá øðiligu vendini í Helsinki, har seinni partur av uppgerðini millum NSÍ og HJK var: Eitt dapurt kvøld fyri NSÍ og føroyskan fótbólt men serstakt fyri størsta finska felagið.
Reyða kortið tíðliga í dystinum - sum ikki sæst í brotunum - sá heldur bíligt út, men dómarin nýtti regulin um "aftasta mann" móti Fabian Ness.
Síðani hevði HJH risa leikliga yvirvág og skoraði fimm mál.
Tað sum teir í NSÍ-leguni nú serliga munnu iðra seg um, eru málini ið komu í 2. hálvleiki av vanligu leiktíðini: Eitt tilvildarligt mál eftir hornaspark, eitt málmansdropp og ein stútari í yvirtíðini eftir vantandi uppdekking gjørdu, at tað varð longd leiktíð í Helsinki.
UEFA Conference League - 1. umfar
Seinni dysturin, hósdagin 17. juli
HJK - NSÍ 5-0 (4-0 eftir vanliga leiktíð) 5-4 samanlagt
19' Lucas Lingman 1-0
53' Alexander Ring 2-0
79' Santeri Hostikka 3-0
90 (+4)' Giorgos Antzoulas 4-0
93 (longd leiktíð)' Santeri Hostikka 5-0
Reytt kort: Fabian Ness (15') - beinleiðis reytt kort
NSÍ (4-3-3): Kristian Joensen - Jann Benjaminsen, Daniel Obbekjær, Lars Markmanrud, Fabian Ness - Michal Przybylski, Brandur Hendriksson Olsen, Emil Weihe Joensen - Jasper van der Heyden, Klæmint Andrasson Olsen, Aron Knudsen
Hesir komu inn: Henrik Olav Holten Olsen, Hassou Diaby og Beinir Nolsøe
Les eisini: Alt fór fyri mutur og skutur hjá NSÍ
Vinarliga broyt tínar kennifíla - og privatlívsstillingar fyri at síggja hetta innihald