Hannes Agnarsson verður verandi í hvítum

Hannes Agnarsson varð fyri nøkrum vikum síðani leigaður til Føroya úr felagnum HIK í Hellerup, sum hann hevur verið knýttur at.

Nú er leiguavtalan longd til varandi sáttmála, sum er galdandi næsta hálva annað árið.

- Í morgun eydnaðist tað okkum og HIK at koma ásamt um at broyta leiguavtaluna til varandi spælaraflyting, nú Hannes hevði ynski um at flyta heimaftur, skrivar B6 á heimasíðuni.

- Her heima er tað sjálvandi hjá okkum, at hann ynskir at spæla, og tí gekk bæði skjótt og væl at fáa allar lutir upp á pláss í eini avtalu, sum er galdandi til árslok 2023, skrivar felagið.