Fótbóltur

Hava bjargað líki úr flogfarinum

Enn er ikki vist um talan er um Emiliano Sala ella flogskiparan David Ibbotson.

2019-02-07 18:02 Author image
Ari av Rana

Eitt lík er bjargað úr flogfarinum, sum datt niður millum Frakland og Wales tann 21. januar. Umborð á flogfarinum vóru argentisnki fótbóltsleikarin Emiliano Sala, sum Cardiff júst hevði keypt úr Nantes, og flogskiparin David Ibbotson.

Líkið varð bjargað við fjarstýrdum kavbáti í gjárkvøldið, siga myndugleikarnir, sum er við í bjargingini. Enn er ikki vist um talan er um Emiliano Sala ella flogskiparan.

Líkið varð bjargað á 63 metra dýpi áleið 33 kilometrar frá Guernsey.

placeholder