Havnarfeløgini liggja til at koma í finaluna hjá kvinnum

Fyrru hálvfinaurnar í Faxe Kondi kappingini hjá kvinnum vórðu spældar í kvøld, og eftir tær er tað lagt rímiliga væl upp til, at steypafinalan 17. februar verður slagið um Havnina.

Tað var annars ein ógvuliga javnur dystur í 50 minuttir í Vestmanna. VÍF var eisini á odda í nøkrum førum í 2. hálvleiki, men so fór Kyndil nakað frá við at skora fýra útav fimm málum, og tað endaði 26-28 í Vestmanna, har Turið Arge Samuelsen gjørdi bart við níggju málum. Kyndil skal royna at gera arbeiði liðugt sunnudagin, meðan VÍF veruliga vil hava spenning í aftur.

Í høllini á Hálsi royndi H71 at hanga í vælsmurdu og skjótu álopsmaskinuni hjá Neistanum. Trý mál vóru á muni í steðginum. Eftir eina góða byrjan uppá 2. hálvleik var Neistin á odda við sjey málum, men steypavinnararnir stríddu seg nakað innaftur, og tað endaði 30-27 til Neistan.

Nýklækti A-landsliðsspælarin hjá liðnum, Hervør Niclasen, skoraði níggju mál av vinstra vongi. Nógv hekk á Elsu Egholm hjá H71, og skeyt landsliðsbakkurin eisini 9 mál.

Elsa Egholm (Mynd: Sverri Egholm)


(Mynd: Sverri Egholm)

Fyrru hálvfinalur í Faxe Kondi kappingini hjá kvinnum
Í dag, hósdagin 8. februar
Neistin – H71 30-27 (17-14)

Toppskjúttar: Hervør Niclasen og Elsa Egholm 9 mál

Sí dómaraseðil her
Sí myndir frá dystinum her

VÍF – Kyndil 26-30 (13-14)

Toppskjúttar: Turið Arge Samuelsen 10 mál, Rannvá Olsen 8 mál

Sí dómaraseðil her

Seinnu hálvfinalurnar - Sunnudagin 11. februar
kl. 14.00 Kyndil – VÍF 
kl. 16.00 H71 – Neistin

Hjá monnum sær út til at vera uppaftur størri spenningur í undan seinnu dystunum. Tó er tað so har, at havnarfeløgini hava vansan við at hava tapt fyrra dystin á heimavølli við einum máli.

Eins í VÍF í gjár, avgjørdi KÍF dystin í Høllini á Hálsi í kvøld við málið í seinasta sekundi. Tróndur Kragesteen hevði javnað nøkur sekund frammanundan, men toppskjúttin í málfátæka dystinum, Fríði Weyhe, gjørdi bart, og tað endaði 19-20.

Fyrru hálvfinalur í Faxe Kondi kappingini hjá monnum
Í dag, hósdagin 8. februar
Neistin – KÍF 19-20 (8-9)

Sí dómaraseðilin her
Sí myndir frá dystinum her

Í gjár, mikudagin 7. februar
Kyndil – VÍF 24-25 (11-9)

Sí dómaraseðilin her

Sí eisini: VÍF fekk fyrimunin